Besoek gerus my Youtube kanaal : https://www.youtube.com/channel/UCCJbapL56RsVi-JmxkKZwRg
Geskiedenis bronneEk weet almal is gedurigdeur opsoek na Geskiedenis werksboekies of handboekies vir hulle kinders. Ek het al op 'n paar afgekom ,maar die probleem met hulle is dat hulle "uit gedateer is". Termes en idees wat weergegee word is polities onkorrek en hoofsaaklik uit die blanke Afrikaner se oogpunt uit geskryf. So natuurlik is daar positiewes en negatiewes gebonde aan hierdie bronne - so gebruik hulle op eie diskressie. Lees eers self - voor jy dit vir jou kind voorlees. Ek het al gehoor dat mense sê ons geskiedenis is herskryf - ek weet nie hoe waar of onwaar dit is nie - maar wat vir my wel positief is oor hierdie boekies is omdat hulle so lank terug geskryf is , is hulle nader aan die tyd wat die "geskiedenis" eintlik gebeur het - so volgens my moet die weergee daarvan dan baie meer akkuraat wees :-)
|
SA geskiedenis videotjies op kyknet uitgesaaiDie videotjies is oud en die klankbaan is swak - maar nogals interessant. Ek sal dit wel eerder gebruik vir 'n ouer kind aan wie jy die politieke situasie en sienings van toentertyd en nou beter kan verduidelik.
|
Suid-Afrikaanse geskiedenis1652 -1866
Ek het lank gehuiwer om hierdie boekie te plaas aangesien daar heelwat inhoud is wat kontroversieel is in vandag se tyd. Dus sal ek aanbeveel dat hy eers deur die ouer gelees word. Ek plaas hom wel want ek dink dit kan goed te pas kom as 'n riglyn vir Suid-Afrikaanse Geskiedenis. Dit is 'n beknopte weergawe - daar word insidente uitgelig met datums by wanneer dit gebeur het , maar dit is nie breedvoerig oor elke insident nie. 'n Mens sal dit goed kan gebruik om 'n tydlyn op te trek van gebeure in bogenoemde tydvak. Die Afrikaans is amper nog Hollands - maar heeltemal maklik genoeg leesbaar.
Uit die Geskiedenis van naamgewing van plante en diere in Suid-AfrikaLeer waar die plante en diere van Suid-Afrika hulle name vandaan gekry het.
|